ប្រជុំRBCនៅបាងកកប្រទេសថៃរយៈពេល២ថ្ងៃ កម្ពុជា.ថៃ សម្រេចសហប្រតិបត្តិការរួមគ្នាទប់ស្កាត់ការវិវាទព្រំដែនឧក្រិដ្ឋកម្មភេវកម្មឆ្លងដែន គ្រឿងញៀនបទល្មើសតាមបន្ទាត់ព្រំដែន
05-July-2019 | ដោយ ពលមនសិការ
បន្ទាយមានជ័យ៖ ប្រជុំRBCរយៈពេល២ថ្ងៃ កម្ពុជា.ថៃ សម្រេចសហប្រតិបត្តិការរួមគ្នាទប់ស្កាត់ការវិវាទព្រំដែនឧក្រិដ្ឋកម្មភេវកម្មឆ្លងដែន គ្រឿងញៀន បទល្មើសតាមបន្ទាត់ព្រំដែន កិច្ចប្រជុំនៅសណ្ឋាគារហូលីដេអ៊ីនផ្លូវស៊ីមរាទីក្រុងបាងកកប្រទេសថៃ។
កិច្ចប្រជុំRBCលើកទី២៧ កម្ពុជា.ថៃនៅទីក្រុងបាងកកប្រទេសថៃត្រូវបានដំណើរការចាប់ពីថ្ងៃទី៣ ដល់៤ ខែកក្កដា ឆ្នាំ២០១៩ កម្ពុជាដឹកនាំដោយលោកឧត្តមសេនីយ៍ឯក ឯក សំអូន មេបញ្ជាការរងកងទ័ពជើងគោក និងជាមេបញ្ជាការយោធភូមិភាគទី៥ និងឧត្តមសេនីយ៍ទោ សេង ធារិន មេបញ្ជាការរង និងនាយសេនាធិការយោធភូមិភាគទី៥ព្រមទាំងចូលរួមពីកងកម្លាំងយោធភូមិភាគទី៥ និងប្រធានអង្គភាពមន្ទីពាក់ព័ន្ធជាច្រើនរូបរួមកិច្ចប្រជុំជាមួយកងទ័ពយោធភូមិភាគទី១ ថៃ។
ក្នុងកិច្ចប្រជុំដោយផ្តោតលើកិច្ចសហប្រតិបត្តិការទ្វារភាគីលើវិស័យសន្តិសុខ តាមបន្ទាត់ព្រំដែនកម្ពុជា.ថៃ មាន១.ការបង្កា និងទប់ស្កាត់ការកើតឡើងវិវាទព្រំដែន ២.ទប់ស្កាត់បទល្មើសឧក្រិដ្ឋកម្ម និងភេវកម្មឆ្លងដែន ៣.ការពារទប់ស្កាត់បង្ក្រាបបទល្មើសគ្រឿងញៀនឆ្លងដែន ៤.បង្ក្រាប និងទប់ស្កាត់ទំនិញគេចពន្ធតាមបន្ទាត់ព្រំដែន ៥.ទប់ស្កាត់ការឆ្លងដែនល្មើស និងច្បាប់ ៦.ទប់ស្កាត់ការជួញដូរមនុស្ស និងក្មេងអនាថា ៧.ទប់ស្កាត់ពលករចំណាក់ស្រុកខុសច្បាប់ ៨.ទប់ស្កាតបទល្មើសជួញដូរអាវុធល្មើសច្បាប់។
កិច្ចប្រជុំបានពិភាក្សាកិច្ចសហប្រតិបត្តិការទៅលើវិស័យសេដ្ឋកិច្ចនិងសង្គមកិច្ច បរិស្ថាន វិទ្យាសាស្ត្រ បច្ចេកទេស សុខាភិបាល កសិកម្ម អប់រំ ទេសចរណ៍ ដើម្បីអប់រំផ្សព្វផ្សាយនិងក្របខណ្ឌទិសដៅការអនុវត្តរួមគ្នាក្រោយការចូលជាសហគមន៍អាស៊ាន៕
ចំនួនអ្នកទស្សនា
- ថ្ងៃនេះ331
- ម្សិលមិញ12101
- សប្តាហ៍នេះ12441
- ខែនេះ127591
- ឆ្នាំនេះ127591
- សរុប20570047